Dinamización da lingua Galega

Deixámosvos cunha ligazón a un novo vídeo, nesta ocasión non temos máis pretensión ca divertirnos coas respostas dos nosos pequenos sobre quen ten a propiedade das cousas do colexio.

Para reivindicar este 25 de novembro día internacional da eliminación da violencia contra a muller, dende o equipo de actividades extraescolares propuxeron facer este vídeo no que participa todo o alumnado do noso colexio. O equipo de dinamización da lingua galega, ao igual que o resto do cole, estivemos encantados de participar na súa realización. Agardamos que vos guste. Contra a violencia, tolerancia cero! QUERÉMONOS VIVAS!

Nestas datas tan festivas dende o departamento de Dinamización lingüística organizamos o tradicional magosto, unha festa ligada a recollida das castañas e o primeiro viño novo, celebración que nos toca moi de preto debido a nosa localización na parroquia de S. Martiño. Para festexalo contamos coa imprescindible colaboración da ANPA que nos aportou castañas, bolos con chourizo e zumes e refrescos, ademais das súas mans, imprescindibles para a organización, reparto de comida e bebida e sobre todo a preparación e asado das castañas que xunto co profe Xosé Manuel soportaron unhas temperaturas insoportables, calculamos que arredor dos 500 grados. O departamento de E.F colaborou coa organización de xogos populares, nos que as nenas e nenos participaron en equipos formados polo alumnado dos distintos cursos.  Despois dos xogos procedeuse o reparto de castañas e bolos de chourizo, así como de zumes e refrescos.   Toda a xornada estivo ameni...

Non hai moitos anos, cando non había electricidade nas casas e tampouco calefacción,   a xente reuníase polas noites arredor do lume da lareira para quentarse e poder verse uns aos outros. Nese momento os maiores contaban contos que os seus antergos lles transmitiran da mesma maneira, contos que se transmitían de uns a outros oralmente. Neste 2019 para a celebración da festa de orixe celta do Samaín dende o equipo de dinamización lingüística organizamos no cole unha actividade a que chamamos “Contos na Lareira” para que os alumnos/as puideran vivir en primeira persoa como eran aqueles tempos e como se transmitían oralmente moitos contos e lendas que hoxe chegaron ata nos. Coa axuda de tres nais que felizmente se ofreceron voluntarias María Martínez, Sheila Ferral e Iria Piñeiro e coa coordinación de Xosé Manuel, reunímonos arredor da nosa lareira e contamos historias para que os nenos perdan o medo a seres míticos e lendas. Iria Piñeiro contounos a hi...

Hoxe visitounos Onofre Muianga, un técnico da Asociación Nacional de Municipios de Mozambique que esta pasando uns días en Galiza para mellorar os seus coñecementos sobre recadación e xestión de impostos, a través dun programa do Fondo Galego de Cooperación e Solidariedade.  Grazas a colaboración do Departamento de Normalización Lingüística do Concello de Moaña as nenas e nenos de 4º, 5º e 6º curso aproveitamos a súa estadía no noso pobo para visibilizar a proximidade que teñen as nosas linguas, galega e portuguesa, para poder falar con el e comprobar a utilidade do galego para comunicarnos coas linguas da área da lusofonía. Este encontro tamén nos serviu para coñecer de primeira man moitas cousas dun país tan lonxano como Mozambique, e tamén saber das súas xentes e costumes. Foi un encontro moi agradable e interesante, polo que agardamos poder repetilo na súa vindeira visita. Moitas grazas Onofre!!

Durante a pasada semana fixemos no centro diferentes actividades traballando sobre a figura de María Victoria Moreno, cuarta muller homenaxeada despóis de 56 edicións, como pionera de literatura infantil en galego e defensora da nosa lingua. O venres 16 de Maio tivo lugar o I Certame de Poesía no noso centro organizado polo Equipo de Dinamización Lingüistica. Aquí vos deixamos a reportaxe fotográfica.

Un ano máis asistimos á festa do galego. Neste caso en Bueu, onde acudimos hoxe, 4 de Maio. Alí percorrimos as rúas festexando o día da nosa lingua. Despóis de escoitar o manifesto en defensa do galego, os colexios do morrazo cantamos e bailamos con Paco Nogueira, cantautor moi coñecido por todos nós.